Նշվել են վաղաժամ մահվան երկու գործոնները. news.am

Նշվել են այն երկու գործոնները, որոնք ժամանակակից աշխարհում վաղաժամ մահվան են հանգեցնում. դրանք են ճարպակալումն ու նիկոտինային կախվածությունը: Հետազոտողները վերլուծել են 45-ից 64 տարեկան ավելի քան 3600 մարդու տվյալներ եւ անմխիթար եզրակացությունների հանգել:  Այն ընթացքում, երբ կատարվում էր դիտարկումը, փորձարկման մասնակիցների 51 տոկոսը մահացել էր սիրտ-անոթային համակարգի հիվանդություններից,  27 տոկոսը` չարորակ ուռուցքներից: Ընդ որում պարզվել էր, որ վաղաժամ մահվան ռիսկը նկատելիորեն աճում էր, եթե հետազոտության մասնակիցները տառապում էին ավելորդ քաշից եւ այնպիսի վատ սովորություն ունեին, ինչպիսին ծխելն է:

Փորձագետներին հաջողվել է նաեւ պարզել, որ ավելորդ քաշից տառապում են նախ եւ առաջ ցածր եկամուտ ունեցող մարդիկ: Ակնհայտ է, որ նրանք փորձում են քիչ ծախսել սննդի վրա` նախընտրությունը տալով էժան եւ կալորիական մթերքներին: 

Միաժամանակ, բժիշկները ուշադրություն են դարձնում նրան, որ նիկոտինային կախվածությունն անհամեմատ ավելի վտանգավոր է մարդու առողջության համար, քան ավելորդ քաշը:

Հարցեր, պատասխաններ, մեկնաբանություններ